اسلام آباد پولیس کا ٹریفک وئلیشن پر جرمانے بڑھانے کا فیصلہ

ذرائع کے مطابق  ٹریفک قوانین کی خلاف ورزی کرنے والوں کے گرد گھیرا تنگ کرنا کا فیصلہ کیا گیاہے، اسلام آباد پولیس نے وئلیشن پر جرمانے بڑھانے کا فیصلہ کیا ہے، تمام قسم کے جرمانوں میں 2 فیصد اضافہ کیا جائے گا،  اسلام آباد ٹریفک پولیس نے اس حوالے سے سمری تیارکرلی۔

ذرائع کا کہنا ہے کہ  اسلام آباد ٹریفک پولیس نے سمری وزارت داخلہ کو بھجوا دی ہے، وزارت داخلہ اب یہ سمری کابینہ کو بھجوائے گی،  وفاقی کابینہ کی منظوری کے بعد جرمانوں میں اضافہ ہوگا۔

ذرائع کا کہنا ہے کہ سمری کے مطابق ہیلمنٹ نہ پہننے پر 3  سو جبکہ تیز رفتار پر 500 روپے جرمانہ ہے، غلط اوور ٹیک کرنا یا سگنل توڑنے پر پانچ سے سات سو تک جرمانہ ہے،  دوران ڈرائیونگ موبائل فون کے استعمال پر 300 سے 500 تک جرمانہ ہے، دوران ڈرائیونگ ہیڈ لائٹ تیز رکھنے پر 300 روپے جرمانہ ہے۔