وزیراعلیٰ سندھ استعفیٰ دیں ورنہ شہر کے دروازے بند کردیں گے:ایم کیو ایم

تفصیلات کے مطابق ایم کیو ایم پاکستان کے کنوینروسابق وفاقی وزیر ڈاکٹر خالد مقبول صدیقی کا کہنا تھا کہ پر امن مظاہرین پر تشدد کے خلاف کل یوم سیاہ منایا جائے گا۔

ڈاکٹر خالد مقبول صدیقی کا کہنا تھا کہ خواتین پر تشدد کسی صورت قبول نہیں کریں گے،ہماری ماؤں، بہنوں پرڈنڈے برسائے گئے۔

ان کا کہنا تھا کہ ایم پی اے صداقت حسین پرتشدد کا حساب لیا جائے گا،پیپلزپارٹی نے ہمیں دوبارہ للکارہ ہے، ڈاکو کراچی پر مسلط ہیں۔

خالدمقبول صدیقی کا مزید کہنا تھا کہ ہم پاکستان کی بقا کی جنگ لڑرہے ہیں، وزیراعظم کو فوری کراچی آنا چاہیے۔

ایم کیو ایم پاکستان کے ڈپٹی کنوینرعامرخان کا کہنا تھا کہ وزیر اعلی ٰسندھ نے آج کراچی کے عوام کو اپنا جمہوری حق بھی پورا کرنے نہیں دیا، سندھ حکومت اور وزیراعلیٰ نے بربریت کے پہاڑ توڑ دیے ہیں۔