یوٹیلیٹی اسٹورز پر برانڈڈ اشیاء کی قیمتوں میں اضافہ متوقع ، ذرائع

ذرائع کا کہنا ہے کہ یوٹیلیٹی اسٹورز پر برانڈڈ اشیاء کی قیمتوں میں اضافہ متوقع ہے، برانڈڈ گھی خوردنی تیل، صابن ، ڈیٹرجنٹ اور گھریلو استعمال کی اشیاء قیمتوں میں اضافے کا امکان ہے۔

یوٹیلٹی اسٹور حکام کا کہنا ہے کہ  برانڈڈ اشیاء کی قیمتوں میں اضافہ سے میڈیا کو آگاہ کریں گے، مارکیٹ کے مقابلے میں برانڈڈ اشیاء کی قیمتیں کم ہونگی، یوٹیلیٹی اسٹورز کے پاس سبسڈائزڈ اشیاء موجود ہیں، برانڈڈ اشیاء خصوصی طور پر گھی اور تیل کی قیمتوں میں اضافہ کرنا پڑے گا۔

یوٹیلٹی اسٹورز حکام کے مطابق اڑھائی تین ماہ سے یوٹیلیٹی اسٹورز نے نرخوں میں اضافہ نہیں کیا، پام آئل کی قیمت 12 ہزار روپے فی من تک عالمی مارکیٹ کا ریٹ ہے،  اشیاء کی قیمتوں میں اضافہ نہ کیا گیا تو اشیاء کی دستیابی ممکن نہیں ہوسکے گی،  100 سے زائد برانڈڈ اشیاء کی قیمتوں میں اضافہ ناگزیر ہے۔