پی ایس ایل 7 : کوئٹہ گلیڈی ایٹرز کا پشاور زلمی کو 191 رنز کا ہدف

کراچی کے نیشنل اسٹیڈیم میں کھیلے جانے والے دوسرے میچ میں کوئٹہ گلیڈی ایئٹر نے پہلے بیٹنگ کرتے ہوئے پشاور زلمی کے خلاف 190 رنز بنا لیے۔ پی ایس ایل سیون کے دوسرے میچ میں کوئٹہ گلیڈی ایئٹر نے دھواں دار بیٹنگ کی۔

کوئٹہ گلیڈی کی جانب سے ول سمید کے شاندار 97رنز جبکہ  احسن علی نے بھی برق رفتار73رنز بنائے۔

پشاور زلمی کی جانب سے عثمان قادر اور سمین گل کی 2،2وکٹیں حاصل کیں۔

اس سے قبل پشاور زلمی نے کوئٹہ گلیڈی ایٹرز کے خلاف ٹاس جیت کر پہلے بولنگ کا فیصلہ کیا تھا۔  پشاور زلمی کے کپتان شعیب ملک نے ٹاس جیت کر گلیڈی ایٹرز کو پہلے بیٹنگ کی دعوت دی ۔

کپتان شعیب ملک کا کہنا تھا کہ کورونا مثبت آنے کی وجہ سے وہاب ریاض، حیدر علی ٹیم کو دستیاب نہیں ہیں لیکن نوجوان کھلاڑیوں کو ٹیم میں شامل کیا ہے۔  کوئٹہ گلیڈی ایٹرز کو کم رنز تک محدود رکھنے کی کوشش کریں گے۔

گلیڈی ایٹرز کے کپتان سرفراز احمد کا کہنا تھا کہ پہلے بیٹنگ کرکے بڑا اسکور دینے کی کوشش کریں گے، افتخار احمد کی موجودگی سے ٹیم مضبوط ہوگئی ہے، امید ہے شاہد آفریدی جلد ٹیم کو جوائن کرلیں گے۔