پاکستان سپرلیگ میں آج دومیچز ہوں گے

تفصیلات کے مطابق  پی  ایس ایل 7 میں برتری حاصل کرنے کی جنگ شروع ہوگئی، ایونٹ کے  تیسرے  دن  ملتان سلطانز  محمد رضوان اور لاہور قلندر  شاہین شاہ آفریدی کی قیادت میں میدان میں اُتریں گی ۔ کراچی اسٹیدیم میں  پہلا میچ  دن ڈھائی  بجے شروع ہوگا ۔ دونوں ہی ٹیموں کے پاس جارح مزاج بلے باز ، برق رفتاربولرز کے علاوہ اسپنرز کی بھی اچھی ورائٹی موجود ہے۔

دوسرا میچ  ساڑھے سات بجے کراچی کنگز  اور کوئٹہ گلیڈی ایٹر ز  کے درمیان کھیلا جائے گا ۔  کراچی کنگز بابر اعظم جبکہ کوئٹہ گلیڈی ایٹر ز  سرفراز احمد کی کپتانی میں میدان میں اتریں گے ۔

واضح رہے کہ  گزشتہ روز  کھیلے جانیوالے میچ میں  پشاور زلمی نے کوئٹہ گلیڈی ایٹر ز کو شکست  دی تھی ۔ پشاور زلمی نے 191 رنز کا ہدف 19 اعشاریہ 4 اوورز میں 5 وکٹ پر حاصل کرلیا۔