کرکٹر ذیشان ملک پر پابندی ختم

پاکستان کرکٹ بورڈ (پی سی بی) نے  کرکٹر ذیشان ملک کو اینٹی کرپشن کوڈ کی خلاف ورزی پر معطل کیا تھا ، انہیں 14 اکتوبر 2021 کو  پی سی بی اینٹی کرپشن کوڈ کے آرٹیکل 4.7.1 کے تحت معطل کیا گیا۔ ذیشان ملک کو 18 نومبر کو نوٹس آف چارج کیا گیا ۔

پی سی بی کا کہنا ہے کہ  ذیشان ملک نے 18 نومبر کو اپنے جرم کا اعتراف کر لیا تھا ۔ 

31 دسمبر کو پی سی بی اور ذیشان ملک نے کوڈ کے تحت باہمی رضا مندی اور اتفاق رائے سے تین ماہ کی پابندی عائد کی گئی تھی ، پابندی کا آغاز معطلی کے روز سے ہوااور  تین ماہ مکمل ہونے  پر ذیشان ملک کی پابندی 13 جنوری کو ختم ہو گئی ۔ 

پی سی بی کے مطابق  کرکٹ میں واپسی کے لئے وہ اب ری ہیب پروگرام میں شرکت کر رہے ہیں ۔ ذیشان ملک کا تعلق ناردرن کرکٹ ایسوسی ایشن کے ساتھ ہے۔