پی ایس ایل 7: ملتان سلطان کی 5 وکٹوں سے لاہور قلندر کو شکست

تفصیلات کے مطابق پاکستان سپر لیگ (پی ایس ایل) سیزن سیون کے تیسرے میچ میں ملتان سلطانز نے لاہور قلندرز کو 5 وکٹوں سے شکست دے کر ایونٹ میں اپنا مسلسل دوسرا میچ بھی جیت لیا۔

ملتان سلطانز کے اوپنرز محمد رضوان اور شان مسعود کے درمیان 150 رنز کی پارٹنرشپ میچ کا میں فرق ثابت ہوئی۔

شان مسعود شاندار 83 اور کپتان محمد رضوان 69 رنز بنا کر آؤٹ ہوئے، جبکہ ان کے ساتھ ہی 5 رنز بنانے والے ریلی روسو بھی پویلین لوٹ گئے۔

میچ کو وننگ لائن تک پہنچانے میں صہیب مقصود نے 20 رنز کا کردار نبھایا لیکن وہ بھی 16 رنز قبل آؤٹ ہوگئے۔

جب آخری اوور میں ملتان سلطانز کو جیت کے لیے 16 رنز درکار تھے تو ایسے میں خوشدل شاہ نے 3 مسلسل چوکوں اور ایک چھکے کی مدد سے ٹیم کو اعصاب شکن مقابلے میں فتح دلوادی۔

ملتان سلطانز:

ملتان سلطانز کی ٹیم میں محمد رضوان (کپتان)، شان مسعود، صہیب مقصود، رائلی روسو، خوشدل شاہ، ٹم ڈیوڈ، ڈیوڈ ویلے، عمران طاہر، عمران خان، شاہنواز دھانی اور احسان اللّٰہ شامل ہیں۔

لاہور قلندرز:

لاہور کی ٹیم میں شاہین شاہ آفریدی (کپتان)، فخر زمان، عبداللّٰہ شفیق، محمد حفیظ، کامران غلام، بین ڈنک، سمیت پٹیل، ڈیوڈ ویسا، راشد خان، حارث رؤف اور زمان خان شامل ہیں۔ 

واضح رہے کہ  گزشتہ روز  کھیلے جانیوالے میچ میں  پشاور زلمی نے کوئٹہ گلیڈی ایٹر ز کو شکست  دی تھی ۔ پشاور زلمی نے 191 رنز کا ہدف 19 اعشاریہ 4 اوورز میں 5 وکٹ پر حاصل کرلیا۔