اوگرا کی پٹرول کی قیمت میں 10 روپے ستائیس پیسے فی لٹر اضافے کی تجویز 

تفصیلات کے مطابق آئل اینڈ گیس ریگولیٹری اتھارٹی (اوگرا) نے  پٹرول کی قیمت میں  10 روپے ستائیس پیسے فی لٹر اضافے کی سمری وزیراعظم ہاوس بھجوادی ہے۔سمری میں  ہائی اسپیڈ ڈیزل کی قیمت میں 13 روپے 39 پیسے اضافے کی تجویز دی گئی ہے۔جبکہ  مٹی کا تیل 11 روپے 34 پیسے اور لائٹ ڈیزل کی قیمت میں 11 روپے 35 پیسے فی لٹر اضافے کی تجویز ہے۔

ذرائع کا کہنا ہے کہ  وزیراعظم ہاؤس کو اوگرا کی سمری موصول ہوگئی ہے، وزیراعظم نے تاحال پیٹرولیم مصنوعات کی قیمتوں میں اضافے کی سمری پر دستخط نہیں کیے۔وزیر اعظم عمران خان کی منظوری کے بعد وزارت خزانہ نوٹیفکیشن جاری کرے گی۔نئی قیمتوں کا اطلاق رات 12 بجے سے ہوگا۔