رحمان ملک میں کورونا وائرس کی تصدیق، نجی ہسپتال میں آئی سی یو میں داخل، خاندانی ذرائع

ذرائع کا کہنا ہے کہ سابق وزیر داخلہ رحمان ملک میں کرونا وائرس کی تصدیق ہوگئی  ہے۔خاندانی ذرائع کا کہنا ہے کہ  سابق وفاقی وزیر داخلہ کے پھیپھڑے کورونا وائرس سے متاثر ہوئے، سابق وزیر داخلہ اس وقت نجی ہسپتال میں آئی سی یو میں داخل ہیں۔

خاندانی ذرائع کے مطابق  رحمٰن ملک کو تنفس کی بحالی کے لیے وینٹیلیٹر پر ڈال دیا گیا۔

پاکستان میں کورونا کے وار جاری ہیں ، نیشنل کمانڈ اینڈ آپریشن سینٹر (این سی او سی) کے مطابق ملک میں کورونا وائرس کے کُل مریضوں کی تعداد 14 لاکھ 30 ہزار366  ہو چکی ہے ۔

ملک میں کورونا سے اموات کی مجموعی تعداد 29 ہزار301 ہوگئی ہے ۔ ملک میں  کورونا ایکٹو کیسز کی تعدادایک لاکھ 5 ہزار675 ہوگئی ۔ این سی اوسی کے مطابق ملک میں کورونا کے 55ہزار 202 ٹیسٹ کئےگئے ہیں ۔