پی ایس ایل7:اسلام آباد یونائیٹڈ کا ٹاس جیت کر فیلڈنگ کا فیصلہ

تفصیلات کے مطابق  پاکستان سپر لیگ کے 7ویں ایڈیشن میں اب تک ناقابل شکست دو ٹیمیں آج آمنے سامنے ہیں۔

میچ شام ساڑھے سات بجے کراچی کے نیشنل کرکٹ اسٹیڈیم میں شروع ہو گا۔

پاکستان سپر لیگ (پی ایس ایل) کے آٹھیوں میچ میں  اسلام آباد یونائیٹڈ نے ملتان سلطانز کے خلاف ٹاس جیت کر پہلےبولنگ کا فیصلہ کیا ہے۔

 ملتان سلطانزکی کپتانی محمد رضوان کے ذمے ہے جبکہ اسلام آباد یونائیٹڈ کے کپتان شاداب خان ہیں۔

ملتان سلطانز نے پی ایس ایل کے اس ایڈیشن میں اب تک  3 میچز کھیلے ہیں اور تینوں میں کامیابی حاصل کی۔

اسلام آباد یونائیٹڈ  کی ٹیم میں ایلکس ہیلز، پال اسٹرلنگ ، رحمان اللہ گرباز اور مدثر خان، کپتان شاداب خان ، آصف علی، اعظم خان، فہیم اشرف، محمد وسیم ، حسن علی اور مرچنٹ ڈی لینگ شامل ہیں۔

 ملتان سلطانز کی ٹیم میں کپتان محمد رضوان کے علاوہ شان مسعود، صہیب مقصود، ٹِم ڈیوڈ، رائیلی روسو ، خوشدل شاہ، ڈیوڈ ویلی، انور علی ، عباس آفریدی ، رومان رئیس اور عمران طاہر شامل ہیں۔