انٹیلیجنس بیسڈ آپریشن میں کالعدم تنظیم   بی ایل اے  کا دہشتگرد گرفتار، ترجمان سی ٹی ڈی

تفصیلات کے مطابق  سی ٹی ڈی نے تخریب کاری منصوبہ ناکام  بنا دیا  ہے۔ ترجمان سی ٹی ڈی کا کہنا ہے کہ  بلوچستان کے ضلع بولان میں سی ٹی ڈی انٹیلیجنس بیسڈ آپریشن میں کالعدم تنظیم بلوچ لبریشن آرمی کا دہشتگرد محمد غوث عرف غوثیہ گرفتار کرلیا گیا، گرفتار دہشت گرد ہرنائی سے مچھ بولان کے علاقے میں آرہا تھا، مذکورہ دہشتگرد مچھ میں تخریب کاری کی واردات کرنے کا ارادہ رکھتا تھا۔

ترجمان سی ٹی ڈی کے مطابق  گرفتار دہشتگرد کے قبضے سے دھماکہ خیز مواد، پرائیما کارڈ،نٹ بولٹ کے علاوہ دیگر نوعیت کا سامان برآمد کیا گیا،گرفتار دہشتگرد کے خلاف مقدمہ درج کرلیا گیا اور نیٹ ورک کے باقی افراد کی گرفتاری کیلئے بڑی تحقیقات کا آغاز کردیا گیا ہے۔