پی ایس ایل7 : ملتان سلطانز نے اسلام آباد یونائیٹڈ کو شکست دے دی

تفصیلات کے مطابق ہدف کا تعاقب کرتے ہوئے اسلام آباد یونائیٹڈ کی پوری ٹیم19 اعشاریہ چار اوورز میں 197رنز بناسکی۔

نیشنل اسٹیڈیم کراچی میں کھیلے گئے میچ میں اسلام آباد یونائیٹڈ نے ٹاس جیت کر ملتان سلطانز کو پہلے بیٹنگ کی دعوت دی تھی۔

ملتان سلطانز نے مقررہ 20 اوورز میں 5وکٹوں کے نقصان پر 217رنز بنائے،ٹِم ڈیوڈ 29 گیندوں پر 71رنز بناکر نمایاں رہے۔

ملتان سلطانزکے کپتان محمد رضوان 12 رنز بنا سکے،اوپنر بلے بازشان مسعود 43 رنز بناکر پویلین لوٹ گئے جبکہ صہیب مقصود بھی 13 رنز بناسکے۔

ٹِم ڈیوڈ 29 گیندوں پر 71رنز بناکر آؤٹ ہوئے جبکہ روسو 35 گیندوں پر67رنز بناکر ناٹ آؤٹ رہے۔

اسلام آباد یونائیٹڈ کی جانب سے حسن علی،محمد وسیم اور مرچنٹ ڈی لانگے ایک ایک وکٹ حاصل کرسکے۔

ملتان کے 217 رنز کے جواب میں اسلام آباد یونائیٹڈ 20ویں اوور میں197 رنز بناکر آؤٹ ہوگئی۔

اسلام آباد یونائیٹڈ کے کپتان شاداب خان 91 رنز بناکر نمایاں رہے،اوپنر بلے باز پال اسٹرلنگ 19 اور ایلیکس ہیلز 23 رنز بنا سکے۔

 اسلام آباد کو تیسرا نقصان رحمان اللہ کی صورت میں اٹھانا پڑا وہ 15 رنز بناکر ٹیم کا ساتھ چھوڑ گئےجبکہ آصف علی 15 رنز کا اضافہ کرسکے۔

ملتان سلطانز کی جانب سے خوشدل شاہ نے 4 شکار کیے،ڈیوڈ ولی نے 3 وکٹیں اپنے نام کیں جبکہ انور علی اور رمان رئیس نے 1،1 کھلاڑی کو آؤٹ کیا۔