ماہ رجب المرجب 1443 کا چاند نظرآگیا

تفصیلات کے مطابق  ماہ رجب کا چاند دیکھنے کے لیے مرکزی رویت ہلال کا اجلاس ہوا، اجلاس کی صدارت مولانا سید محمد عبدلخبیر آزاد نے کی، اجلاس میں مرکزی رویت ہلال کمیٹی پاکستان کے ممبران اور فنی ماہرین نے شرکت کی۔

مولانا عبدلخبیر آزاد نے کہا کہ  پاکستان کے مختلف مقامات سے ماہ رجب کے چاند کے نظر آنے کی شہادتیں موصول ہوئی، ہیں، اتفاق رائے سے فیصلہ کیا گیا کہ یکم رجب 3 فروری بروز جمعرات کو ہوگی، شب معراج 27 رجب یکم مارچ 2022 بروز منگل کو ہوگی۔

اجلاس کے اختتام پر کورونا سے بچاؤ اور دہشت گردی کے خاتمے کے لئے دعا کی گئی، ملکی سلامتی و استحکام، مقبوضہ کشمیر و فلسطین کی آزادی کے لیے خصوصی دعا کی گئی۔