20 سال قبل ائیر گن سے لگنے والی گولی آخر کار سرسے نکال لی گئی

بیجنگ: شہری سردرد کا معائنہ کروانے ڈاکٹر کے پاس پہنچا تو وہاں پر حیران کن بات سامنے آئی کہ شہری اپنے سر میں کئی سال  گولی لئے گھوم رہا ہے۔

تفصیلات کے مطابق  چینی شہری سردرد کونیند کی کمی سمجھ کر گھومتا رہا۔ جب ڈاکٹر کے پاس گیا وہاں حیران کن بات سامنے آئی کہ شہری کے سر میں  بائیں والے حصےمیں گولی نما چیز محسوس ہوئی ڈاکٹر نے ٹیسٹ کا کہا  تو ٹیسٹ میں مذید انکشاف ہوا کہ شہری جس کو سردرد سمجھتا رہا  وہ گولی تھی۔

شہری نے ڈاکٹر سے گفتگو کرتے ہوئے بتایا کہ جب میری عمر8  سال تھی۔تب ائیرگن سے وہ اور اس کا بھائی کھیل رہے تھے۔اچانک ائیرگن چل گئی ۔

متاثرہ شخص کا کہنا تھاکہ ائیرگن  کےچلنے سے گولی کی تکلیف محسوس  نہیں ہوئی ۔ اور آہستہ آہستہ میں اس واقع کو بھول گیا ۔ میں اور میرے بھائی نے گھر والوں سے ڈر کے مارے اس بات کا تذکرہ نہیں کیا۔ میرے بال لمبے تھے اس وجہ سے گھر والوں کو زخم نہیں دکھائی دیا۔ ڈاکٹر نے چینی شہری کی کھوپڑی میں لگی گولی کو نکال دیا

ڈاکٹر کا کہنا تھا کہ چینی شہری دنیا کا خوش قسمت انسان  ہے جو اتنے سال گولی سر میں رہنے کے باوجود زندہ رہا ۔