کم آمدن والے افراد کیلئے مہنگائی 21.46 فیصد پر پہنچ گئی،   ادارہ شماریات

تفصیلات کے مطابق  ادارہ شماریات کی جانب سے جاری کردہ رپورٹ  میں کہا گیا ہے کہ کم آمدن والے افراد کے لیے مہنگائی 21.46 فیصد پر پہنچ گئی  ہے، ایک ہفتے میں ٹماٹر اوسط 70 روپے 94 پیسے فی کلو مہنگا ہوا ، ٹماٹر کی اوسط قیمت 149 روپے 65 پیسے فی کلو ہوگئی۔

ادارہ شماریات کے مطابق  زندہ مرغی اوسط 19 روپے 33 پیسے فی کلو مہنگی ہوئی ،  زندہ مرغی کی اوسط قیمت 203 روپے 39 پیسے فی کلو ہوگئی ۔ایک ہفتے میں لہسن 17 روپے 80 پیسے فی کلو مہنگا ہوا ، سرسوں کا تیل 9 روپے 19 پیسے فی کلو مہنگا ہوا،ایل پی جی کا گھریلو سلنڈر 35 روپے 87 پیسے مہنگا ہوا۔آٹے کا 20 کلو کا تھیلا 3 روپے 32 پیسے مہنگا ہوا ،حالیہ ہفتے دودھ، دہی،  مٹن اور بیف مہنگے ہوئے ۔

ادارہ شماریات کی جانب سے جاری کردہ رپورٹ کے مطابق    حالیہ ہفتے 6 اشیاء کی قیمتوں میں کمی,23 میں استحکام رہا  ہے۔ ایک ہفتے میں آلو 2 روپے 45 پیسے فی کلو سستے ہوئے،  ایک ہفتے میں پیاز ایک روپے 40 پیسے فی کلو سستے ہوئے، انڈے کی قیمت میں فی درجن 6 روپے 05 پیسے کمی ہوئی جبکہ ایک ہفتے میں چینی اوسط 76 پیسے فی کلو سستی ہوئی ۔