سکیورٹی فورسز کا بلوچستان کے علاقے کیچ میں کلیئرنس آپریشن، 3 دہشتگردہلاک

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق  سکیورٹی فورسز نے بلوچستان کے علاقے کیچ میں کلیئرنس آپریشن کیا،  آپریشن کے دوران2انتہائی مطلوب دہشتگردوں سمیت3ہلاک ہوگئے، سکیورٹی فورسز نے کیچ کے علاقے بلگاتر میں دہشتگردوں کی موجودگی کی اطلاع پر آپریشن کیا۔

ترجمان پاک فوج کا کہنا ہے کہ  مارے جانےو الے2دہشتگرد پنجگور حملے میں مطلوب تھے، مارے جانے والے دہشتگردوں میں کمانڈر سمیر عرف بہار شامل ہیں، سکیورٹی فورسز نے دہشتگردوں کے خفیہ ٹھکانے کو دوران آپریشن گھیرے میں لیا، کمانڈر الطاف عرف لالک اورکمانڈر فیلان بلوچ بھی ہلاک ہونے والوں میں شامل ہیں ۔

آئی ایس پی آر کے مطابق  مارے جانے والے دہشتگرد ہوشاب،پنجگور اوردیگر علاقوں میں سکیورٹی فورسز پر حملوں میں ملوث تھے۔