آسٹریا بالغ شہریوں کے لیے کورونا ویکسینیشن لازمی قرار دینے والا پہلایورپی ملک بن گیا

غیر ملکی خبررساں ادارے کے مطابق آسٹریا بالغ شہریوں کے لیے کورونا ویکسینیشن لازمی قرار دینے والا پہلا یورپی  ملک بن گیا ہے،ویکسینیشن نہ کرانے والے  شہریوں کو 600 یورو جرمانہ کیا جائے گا۔

ویکسینیشن مینڈیٹ پر عمل ہو رہا ہے یا نہیں؟ 15 مارچ سے چیکنگ کا عمل شروع ہوگا،  حاملہ خواتین اور ایسے بیمار جن کی صحت کو ویکسینیشن سے خطرہ ہو، مستثنیٰ ہوں گے،حال ہی میں کورونا کا شکار ہونے والے بھی 180 دن کے لیے ویکسینیشن پابندی سے مستثنیٰ ہوں گے۔

غیر ملکی میڈیا کے مطا بق قانون 31 جنوری 2024 تک نافذالعمل ہوگا، ویکسینیشن نہ کرانے والوں کو سال میں چار بار جرمانہ ہوگا۔