اسلام آباد سمیت ملک کے مختلف حصوں میں زلزلے کے جھٹکے

جی این این کے مطابق ملک کے مختلف اضلاع میں زلزلے کے جھٹکے محسوس کیے گئے ہیں ۔  راولپنڈی ، سیالکوٹ ، چنیوٹ، سرگودھا، میانوالی، لیہ، بھکر، کمالیہ اور ملتان میں بھی زلزلے کے جھٹکے محسوس کیے گئے۔ 

خیبر پختونخوا میں زلزلے کے جھٹکے پشاور، لوئر دیر،  دیربالا، شانگلہ اور باجوڑ، مالاکنڈ نوشہرہ، کوہستان ، بٹگرام، تورغر سکردو اور اس کے گردونواح میں زلزلے کے شدید جھٹکے محسوس کئے گئے ہیں ۔

 زلزلے کی شدت سے خوف وہراس پھیل گیا اور  لوگ کلمہ طیبہ کا ورد کر تے ہوئے گھروں سے باہر نکل آئے ۔

زلزلہ پیما مرکز کےمطابق زلزلے کی شدت ریکٹر اسکیل پر 5.9 جبکہ گہرائی 210 کلومیٹر ریکارڈ کی گئی ۔  زلزلے کا مرکز کوہ ہندوکش ریجن تھا۔