شمالی وزیرستان میں فورسز کا آپریشن ، 2 دہشت گرد ہلاک

پاک فوج کے شعبہ تعلقات عامہ آئی ایس پی آر کے مطابق شمالی وزیرستان کے علاقے دتہ خیل میں سکیورٹی فورسز نے انٹیلی جینس بنیاد پر آپریشن کیا ،  فائرنگ کے تبادلے میں دو دہشت گرد  مارے گئے ۔  ایک دہشت گرد کی شناخت عصمت اللہ عرف حافظ کے نام کر لی گئی ہے جبکہ ہلاک دوسرے دہشت گرد کی شناخت کے لیے کارروائی جاری ہے ۔

آئی ایس پی آر  کے مطابق ہلاک دہشت گردوں کے قبضے سے اسلحہ  و بارود کا بھاری  ذخیرہ  برآمد  کرلیا گیا ۔ دہشت گردوں سے پکڑے گئے اسلحے میں  سب مشین گنیں، دستی بم سمیت دیگر اسلحہ شامل ہیں ۔  مارے گئے دہشتگرد سیکیورٹی فورسز کے خلاف کارروائیوں، ٹارگٹ کلنگ اوراغوا برائےتاوان میں ملوث تھے۔