آصف زرداری اور بلاول کی لیگی  قیادت سے اہم ملاقات جاری

تفصیلات کے مطابق اپوزیشن لیڈر قومی اسمبلی شہباز شریف کی جانب سے پیپلزپارٹی کی قیادت کے اعزاز میں ظہرانہ شروع ہوگیا ۔ سابق صدر آصف زرداری اپنے صاحبزادے بلاول بھٹو کے ہمراہ لیگی قیادت سے ملاقات کے لیے ماڈل ٹاؤن پہنچے جہاں شہباز شریف، مریم نواز اور حمزہ شہباز نے ان کا استقبال کیا۔  اس موقع پر خواجہ سعد رفیق اور مریم اورنگزیب بھی موجود تھیں ۔ شہباز شریف نے سابق صدر آصف علی زرداری کو ملاقات کی دعوت دی تھی۔  

دونوں جماعتوں کی قیادت اس اہم ملاقات میں ملک کی سیاسی صورتحال اور حکومت مخالف مارچ پر تبادلہ خیال کرے گی۔ ذرائع کا کہنا ہےکہ ملاقات میں آئندہ کی حکمت عملی پر تبادلہ خیال کیا جائے گا اور حکومت کیخلاف تحریک عدم اعتماد لانے کے معاملے پر بھی بات ہو گی۔

اس سے قبل جمعے کو شہباز شریف نے بلاول بھٹو زرداری کو ٹیلی فون کر کے ملک کی سیاسی صورت حال پر تبادلہ خیال کیا تھا ۔ شہباز شریف نے بلاول بھٹو زرداری اور آصف علی زرداری کو ظہرانے کی دعوت دی تھی جو انہوں نے قبول کی اور آج ماڈل ٹاؤن پہنچے۔