پی ایس ایل 7: لاہور قلندرز کا اسلام آباد یونائیٹڈ کو جیت کے لیے175رنز کا ہدف

تفصیلات کے مطابق کراچی کے نیشنل اسٹیڈیم میں کھیلے جارہے پی ایس ایل کے 7ویں ایڈیشن کے 12ویں میچ میں اسلام آباد یونائیٹڈ نے لاہور قلندرز کے خلاف ٹاس جیت کے فیلڈنگ کا فیصلہ کیا اور قلندرز کو بیٹنگ کی دعوت دی۔

لاہور قلندرز کی جانب سے عبداللہ شفیق اورفخر زمان نے اننگز کا آغاز کیا عبداللہ شفیق 44 رنز بنا کر آؤٹ ہوگئے جبکہ فخر زمان 38 رنز بنانے کے بعد پویلین لوٹ گئے۔

محمد حفیظ بھی 5 رنز بنانے کے بعد شاداب خان کی گیند پر پال اسٹیئرلنگ کا شکار بنے، فل سالٹ بھی 3 رنز بنا کر چلتے بنے۔

ڈیوڈ 20 اور بروک 37 رنز بنا کر آؤٹ ہوئے، کپتان شاہین شاہ آفریدی نے 4 جب کہ حارث رؤف 0 پر چلتے بنے۔

اسلام آباد کی جانب سے شاداب خان اور وقاص مقصود نے 4،4 جبکہ مبصر خان نے ایک وکٹ حاصل کی۔