پی ایس ایل 7: لاہور قلندرز نے اسلام آباد یونائیٹڈ کوشکست دے دی

تفصیلات کے مطابق کراچی کے نیشنل اسٹیڈیم میں کھیلے گئے پی ایس ایل کے 7ویں ایڈیشن کے 12ویں میچ میں اسلام آباد یونائیٹڈ نے لاہور قلندرز کے خلاف ٹاس جیت کے فیلڈنگ کا فیصلہ کیا اور قلندرز کو بیٹنگ کی دعوت دی۔

لاہور قلندرز کی جانب سے عبداللہ شفیق اورفخر زمان نے اننگز کا آغاز کیا عبداللہ شفیق 44 رنز بنا کر آؤٹ ہوگئے جبکہ فخر زمان 38 رنز بنانے کے بعد پویلین لوٹ گئے۔

محمد حفیظ بھی 5 رنز بنانے کے بعد شاداب خان کی گیند پر پال اسٹیئرلنگ کا شکار بنے، فل سالٹ بھی 3 رنز بنا کر چلتے بنے۔

ڈیوڈ 20 اور بروک 37 رنز بنا کر آؤٹ ہوئے، کپتان شاہین شاہ آفریدی نے 4 جب کہ حارث رؤف 0 پر چلتے بنے۔

اسلام آباد کی جانب سے شاداب خان اور وقاص مقصود نے 4،4 جبکہ مبصر خان نے ایک وکٹ حاصل کی۔

 175 رنز کے ہدف کے تعاقب میں اسلام آباد یونائیٹڈ کی ٹیم مقررہ 20 اوورز میں 5 وکٹوں کے نقصان پر 166 رنز بناسکی۔

کولن منرو (60) اور کپتان شاداب خان (52) کی نصف سنچریز بھی ٹیم کو شکست سے نہ بچاسکیں۔

اسلام آباد یونائیٹڈ کی طرف سےآصف علی اور پال اسٹرلنگ 14،14  اور ایلکس ہیلز 11 رنز بناکر آؤٹ ہوئے۔

لاہور قلندرز کی جانب سے حارث رؤف نے 2 جبکہ شاہین آفریدی ، زمان خان  اور راشد خان نے ایک ایک وکٹ حاصل کی۔