ٹی 20 وہیل چیئرکرکٹ ایشیاکپ کی میزبانی پاکستان کو مل گئی

ترجمان پاکستان وہیل چیئر کرکٹ کونسل کا کہنا ہے کہ اس کا فیصلہ دوسرے سالانہ اجلاس میں کیا گیا، ویڈیو لنک پر ہونے والے اجلاس میں میزبانی کی منظوری دی گئی ۔

ترجمان کے مطابق دوسرے ٹی ٹوئنٹی  ایشیا کپ میں آٹھ ایشیائی ممالک کی ٹیمیں شرکت کرینگی جن میں میزبان پاکستان، بھارت، بنگلادیش، نیپال، افغانستان، سری لنکا، ایران اور کمبوڈیا کی ٹیمیں شامل  ہیں۔

ترجمان کا مزید کہنا تھا کہ ایشیا کپ آئندہ سال جنوری فروری میں پاکستان کے پانچ شہروں میں منعقد ہوگا۔