اسلام آباد یونائیٹڈ کا کراچی کنگز کو جیت کیلئے 178 رنز کا ٹارگٹ

کراچی کے نیشنل اسٹیڈیم میں کھیلے جانے والے  پی ایس ایل سیون کے 14ویں میچ میں اسلام آباد یونائیٹڈ نے کراچی کنگز کو جیت کے لیے 178 رنز کا ٹارگٹ دیدیا ہے۔

اسلام آباد کی جانب سے پال سٹرلنگ نے 39 اور کپتان شاداب خان نے 34 رنز کی اننگز کھیلی۔ کولن منرو نے33 رنز بنائے جب کہ اعظم خان  16 رنز بنا سکے۔

کراچی کنگز کی جانب سے کرس جارڈن نے 2 کھلاڑیوں کو آؤٹ کیا، عماد وسیم، عمیدآصف، عثمان شنواری اور محمد نبی نے 1،1وکٹ حاصل کی۔

خیال رہے کہ اسلام آباد کے کپتان شاداب خان نے ٹاس جیتا اور بیٹنگ کو ترجیح دی۔

کراچی کنگز کی ٹیم میں 2 تبدیلیاں کی گئیں ۔ فاسٹ بولر کرس جارڈن کنگز کی ٹیم میں شامل ہوئے ہیں جب کہ عمران جونیئر اور عامریامین کی جگہ کرس جارڈن اور عثمان شنواری ٹیم کا حصہ بنے ہیں۔