پی ایس ایل 7: آج لاہور قلندرزاور کوئٹہ گلیڈی ایٹرز ٹکرائیں گے 

تفصیلات کے مطابق کراچی کے نیشنل اسٹیڈیم میں   آج کھیلے جانے والے پندرھویں میچ میں لاہور قلندرز کی ٹیم  کوئٹہ گلیڈی ایٹرز سے ٹکرائے گی  ۔  میچ پاکستانی وقت کے مطابق شام ساڑھے سات بجے شروع ہوگا ۔

لاہور قلندرز شاہین شاہ آفریدی کی قیادت میں جبکہ گلیڈی ایٹرز سرفرازاحمد  کی کپتانی  میں میدان میں اُتریں گی ۔ 

لاہور قلندرز اور کوئٹہ گلیڈی ایٹرز نے اب تک ایونٹ میں 4، 4 میچز کھیل لئے ہیں، لاہور نے 3 میچوں میں کامیابی حاصل کی ہے جبکہ کوئٹہ کی ٹیم ایونٹ میں اب تک ایک میچ جیت سکی ہے۔

ایونٹ میں اب تک کھیلے گئے میچز میں ملتان سلطانز 5میچز جیتنے کے بعد 10 پوائنٹس کے ساتھ سرفہرست ہے، اسلام آباد یونائیٹڈ3 ،لاہورقلندرز  3 ،  پشاور زلمی نے 2 ، میچز میں کامیابی حاصل کی ہے ۔  کوئٹہ گلیڈی ایٹرز نے اب تک ایک میچ جیتا ہے جبکہ کراچی کنگز کو رواں سیزن میں تاحال کوئی کامیابی حاصل نہیں ہوسکی ۔

میچ کے لیے دونوں ٹیمیں ان کھلاڑیوں پر مشتمل ہیں: 

لاہور قلندرز:

 شاہین شاہ آفریدی (کپتان)، فخر زمان، عبداللہ شفیق، محمد حفیظ، کامران غلام، سمت پٹیل، بین ڈنک، ڈیوڈ ویزے، راشد خان، حارث رؤف اور زمان خان 

کوئٹہ گلیڈی ایٹرز:

 سرفراز احمد (کپتان ) ، ول اسمیڈ، احسان علی، بین ڈکٹ، افتخار احمد، محمد نواز، سہیل تنویر، جیمز فلکنر، عاشر قریشی، محمد حسنین، نسیم شاہ

گزشتہ روز کھیلے گئے میچ میں اسلام آباد یونائیٹڈ نے کراچی کنگز کو 42 رنز سے شکست دی تھی۔

خیال رہے کہ پاکستان سپر لیگ کا دوسرا مرحلہ 10 فروری سے لاہور میں شروع ہو گا، 27 جنوری سے جاری  پی ایس ایل 7 کا فائنل 27 فروری کو کھیلا جائے گا۔