وزیراعظم عمران خان کا بلدیاتی انتخابات کے لیے عوامی رابطہ مہم شروع کرنے کا فیصلہ،ذرائع

تفصیلات کے مطابق  وزیراعظم عمران خان کی زیر صدارت سینٹرل ایگیزیکٹو کمیٹی کا اجلاس ختم ہوگیا،ذرائع کا کہنا ہے کہ  وزیراعظم عمران خان نے بلدیاتی انتخابات کے لیے عوامی رابطہ مہم شروع کرنے کا فیصلہ کیا ہے، وزیراعظم نے عوامی جلسوں کا شیڈول تیار کرنے کی ہدایت کردی، اجلاس میں بلدیاتی انتخابات کی تیاریوں کا جائزہ لیا گیا۔

ذرائع کا کہنا ہے کہ  بلدیاتی انتخابات میں ٹکٹوں کی تقسیم کے طریقہ کار پر بھی مشاورت کی گئی بڑے شہروں میں مئیرز کے لیے ناموں کی تجاویز پر بھی غور کیا گیا ۔

وزیر اعظم عمران خان نے کہا کہ  بلدیاتی انتخابات کے لیے پارٹی کے تنظیمی ڈھانچہ کو منظم کیا جائے، ہمارے کارکنان  پارٹی کا قیمتی اثاثہ ہیں،  بلدیاتی انتخابات میں میرٹ پر ٹکٹیں تقسیم کی جائیں گی،  تحریک انصاف ملک کی مقبول جماعت ہے، بلدیاتی انتخابات میں پوری قوت کے ساتھ میدان میں اتریں گے،  عوام کے پاس پی ٹی آئی کے علاوہ کوئی بہتر آپشن نہیں ہے،

ذرائع کے مطابق  اجلاس میں دورہ چین سے متعلق بھی بریفنگ دی گئی، وزیراعظم نے دورہ چین کی کامیابی کو اجاگر کرنے کی  بھی ہدایت کی۔