وزیراعلیٰ پنجاب کی  شہر میں صفائی کے انتظامات کو خوب سے خوب تر بنانے کی ہدایت

تفصیلات کے مطابق  وزیراعلیٰ پنجاب سردار عثمان بزدار کی زیر صدارت اجلاس ہوا ،جس میں لاہور ویسٹ مینجمنٹ کمپنی کے امور کا جائزہ لیا گیا، وزیراعلیٰ عثمان بزدار کو لاہور ویسٹ مینجمنٹ کمپنی کے امور کے بارے میں بریفنگ دی گئی،  وزیراعلیٰ عثمان بزدار کو ایل ڈبلیو ایم سی کی جانب سے صفائی کے نظام کو بہتر بنانے کے بارے میں مختلف تجاویز سے آگاہ کیا گیا۔

لاہور میں صفائی کے انتظامات کو مزید بہتر بنانے کیلئے مختلف تجاویز پر غور کیا گیا۔وزیراعلیٰ عثمان بزدار نے شہر میں صفائی کے انتظامات کو خوب سے خوب تر بنانے کی ہدایت کی۔

وزیر اعلی پنجاب عثمان بزدار کا کہنا ہے کہ صفائی کے نظام کو بہتر بنانے کیلئے ہر ضروری اقدام اٹھایا جائے۔ صفائی کے پلان کی روزانہ مانیٹرنگ کی جائے۔ شہر میں زیرو ویسٹ آپریشن کو یقینی بنایا جائے۔ صفائی کے انتظامات کے حوالے سے کوتاہی برداشت نہیں کروں گا۔

عثمان بزدارکا کہنا ہے کہ شہریوں کو صفائی کے حوالے سے شکایت نہیں ہونی چاہیئے۔ شہریوں کو صاف ستھرا ماحول دینا ایل ڈبلیو ایم سی کی ذمہ داری ہے۔ کمیٹی کی سفارشات کی روشنی میں قابل عمل ماڈل سے متعلق امور جلد طے کئے جائیں۔