پی ایس ایل7:کوئٹہ گلیڈی ایٹرز نے لاہور قلندرز کو شکست دے دی

205 رنز کا ہدف کوئٹہ نے 20 ویں اوور میں مکمل کرلیا، جیسن روئے57 گیندوں پر 116 رنز بناکر نمایاں رہے، ان کی اننگز میں 11 چوکے اور 8 چھکے شامل تھے۔

نیشنل اسٹیڈیم کراچی میں کھیلے گئے میچ میں کوئٹہ کے کپتان سرفراز احمد نے ٹاس جیت کر لاہور قلندرز کو پہلے بیٹنگ کی دعوت دی تھی۔

لاہور قلندرز نے مقررہ 20 اوورز میں5 وکٹوں پر 204 رنز بنائے، فخرزمان 70 رنز بناکر نمایاں رہے۔

لاہور قلندرز کے اوپنر عبداللہ شفیق اور فخرزمان کے درمیان 61 رنز کی شراکت داری قائم ہوئی تاہم عبداللہ 27 گیندوں پر 32 رنز بناکر آؤٹ ہوگئے۔

کامران غلام  13 گیندوں پر 19 رنز بناکر پویلین لوٹے جبکہ محمد حفیظ ایک صرف 8 رنز بناکر ٹیم کا ساتھ چھوڑ گئے۔

ہیری بروک 17 گیندوں پر 41 رنز بناکر ناٹ آؤٹ رہے اس کے علاوہ ڈیوڈ ویزا نے 9 گیندوں پر 22 رنز بنائے ۔

کوئٹہ کی جانب سے غلام مدثر نے 2 جبکہ افتخار احمد نے اور کوک ووڈ نے ایک ، ایک کھلاڑی کو آؤٹ کیا۔

ہدف کا تعاقب کرتے ہوئے کوئٹہ گلیڈی ایٹرزنے تین وکٹوں کے نقصان پر تین گیندیں قبل ہدف پورا کرلیا ہے۔

گلیڈی ایٹرز کی جانب سے جیسن روئے57 گیندوں پر 116 رنز بناکر نمایاں رہے جبکہ اوپنر احسان علی 7 رنز بناکر آؤٹ ہوئے۔

جیمز ونس نے 38 گیندوں پر 49 رنز کی ناقابل شکست اننگز کھیلی۔

افتخار احمد 3 رنز بناکر پویلین لوٹے جبکہ محمد نواز25 رنز بناکر ناقابل شکست رہے۔

قلندرز کی جانب سے ڈیوڈ ویزے، حارث رؤف اور کامران غلام نے 1،1 وکٹ حاصل کی۔