ٹیچنگ ہسپتالوں کے شعبہ ایمرجنسی  کیلئے ہدایات نامہ جاری

تفصیلات کے مطابق  ٹیچنگ ہسپتالوں کے شعبہ ایمرجنسی  کیلئے ہدایات نامہ جاری  کردیا گیا ہے۔سیکرٹری صحت پناجب کا کہنا ہے کہ  ہدایات وزیراعلی پنجاب سردار عثمان بزدار کے حکم پر جاری کی گئی ہیں۔ تمام ٹیچنگ ہسپتالوں کے ایم ایس صاحبان کو ہدایات جاری کی گئیں ہیں ۔

سیکرٹری صحت پنجاب ڈاکٹر احمد جاوید قاضی کا کہنا ہے کہ  ٹیچنگ ہسپتالوں کے ایمرجنسی شعبوں میں سینئر رجسٹرارز کی حاضری و موجودگی یقینی بنائی جائیگی، ڈیوٹی سے غائب ہونے پر سینئر رجسٹرار کے خلاف سخت کارروائی کی جاسکے گی، ایڈہاک سینئر رجسٹرار کو ڈیوٹی سے غائب ہونے پر نوکری سے برطرف کردیا جاسکے گا۔

ڈاکٹر احمد جاوید قاضی نے کہا ہے کہ  ایمرجنسی شعبہ میں سرجیکل، پیڈز، آرتھو اور کارڈیالوجی کے پروفیسر  روزانہ ایک مرتبہ ضرور راؤنڈ کریں گے،  وائس چانسلرز اور پرنسپلز شعبہ ایمرجنسی کا اچانک معائنہ کریں گے ،  غیر حاضر ڈاکٹرز، نرسز اور سٹاف کے خلاف سخت کارروائی کی جائے گی۔