ٹی ٹوئنٹی سیریز : آسٹریلیا کرکٹ ٹیم کا دورہ نیوزی لینڈ منسوخ 

تفصیلات کے مطابق  کرکٹ آسٹریلیا نے ٹیم کا آئندہ ماہ ہونے والا دورہ نیوزی لینڈ منسوخ کردیا۔ کرکٹ آسٹریلیا کی جانب سے جاری بیان کے مطابق نیوزی لینڈ کی جانب سے قرنطینہ کی سخت  شرائط کے باعث نیوزی لینڈ اور آسٹریلیا کے درمیان آئندہ ماہ نیپئر میں کھیلی جانے والی ٹی ٹوئنٹی سیریز منسوخ کر دی گئی ہے۔

کرکٹ آسٹریلیا کی جانب سے جاری پریس ریلیز میں کہا گیا کہ ٹی ٹوئنٹی سیریز کی منسوخی کا فیصلہ دونوں بورڈز نے باہمی مشاورت کے بعد کیا ہے ۔

کرکٹ آسٹریلیا کے سی ای او نک ہاکلے نے کہا کہ ہم سیریز کی میزبانی کے لیے ہر ممکن کوشش کرنے پر نیوزی لینڈ کرکٹ کا شکریہ ادا کرتے ہیں، لیکن بدقسمتی سے سرحدی پابندیوں اور قرنطینہ کے تقاضوں کے پیش نظر ایسا ممکن نہیں تھا۔

ICYMI | New Zealand Cricket and @CricketAus have agreed to abandon the BLACKCAPS upcoming T20 mini-series, scheduled to be played in Napier next month. #NZvAUS https://t.co/yxQQK1Jwp0

— BLACKCAPS (@BLACKCAPS) February 9, 2022

واضح رہے کہ کیویز اورکینگروز کے مابین3  ٹی ٹوئنٹی میچز17 سے 20 مارچ تک نیپئر میں  شیڈول تھے ، اس سے قبل نیوزی لینڈ کا فروری میں دورہ آسٹریلیا بھی منسوخ ہوچکا ہے۔