عمران خان نے پرانے پاکستان کو تباہ کر دیا: حمزہ شہباز

تفصیلات کے مطابق مسلم لیگ ن کے رہنما حمزہ شہباز کا کہنا تھا کہ اسمبلی کے اندر اور  سڑکوں پر عوام کے ساتھ مل کر عمران نیازی کا بستر گول کریں گے، تحریک عدم اعتماد پر بھی کام کر رہے ہیں، اورکامیاب ہوں گے۔

حمزہ شہباز کا کہنا تھا کہ ملک کا سب سے بڑا مافیا عمران نیازی ہے، عمران نیازی نے جھوٹ بول کر پرانا پاکستان بھی برباد کردیا، سن لو عوام کو زیادہ دیر جھانسہ نہیں دے سکتے۔

ان کا کہنا تھا کہ عمران نیازی صاحب جھوٹ بولنا بند کرو، عوام کی عدالت عمران نیازی کی تلاشی لے گی۔ 

انہوں نے کہا کہ پنجاب کی عوام کو لائنوں میں لگ کر آٹا لینا پڑتا ہے جبکہ کورونا کے دوران بخار کی دوائی مارکیٹ سے غائب ہو گئی اور آج کسان کھاد کے لیے ترس گیا ہے۔

حمزہ شہباز کا کہنا تھا کہ حکومت نے عوام کو مہنگائی کی چکی میں پس دیا ہے اور حکومت نے آج پھر بجلی کی قیمتوں میں اضافہ کر دیا ہے۔

ان کا مزید کہنا تھا کہ حکومت نے کسان سے کھاد، غریب سے روٹی اور بچوں سے دودھ چھین لیا ہے۔