پی ایس ایل7:سنسنی خیز مقابلے کے بعد اسلام آبادیونائیٹڈ نےکراچی کنگز کو شکست دے دی

قذافی اسٹیڈیم لاہور میں کھیلے گئے میچ میں کراچی کنگز کے کپتان بابر اعظم نے ٹاس جیت کر اسلام آباد کو پہلے بیٹنگ کی دعوت دی تھی۔

اسلام آباد یونائیٹڈ نے مقررہ 20 اوورز میں7 وکٹوں پر 191رنز بنائے،کپتان شاداب خان34 رنز بناکر نمایاں رہے۔

اسلام آباد یونائیٹڈ کی جانب سے اوپنر رحمان اللہ 12 رنز بنا کر آؤٹ ہوگئے جبکہ محمد اخلاق صرف 2 رنز بناکر پویلین لوٹے گئے۔

 ایلیکس ہیلز  25 رنز بناکر آؤٹ ہوگئے۔لیام ڈوسن 15، اعظم خان 22 ، آصف علی 28 رنز بناسکے،فہیم اشرف نے 10 گیندوں پر 29 رنز بنائے۔

کراچی کنگز کی جانب سے عماد وسیم نے 2 جبکہ، میر حمزہ، کرس جارڈن، عمید آصف نے ایک، ایک وکٹ حاصل کی۔

ہدف کے تعاقب میں کراچی کنگز کی ٹیم 7 وکٹوں کے نقصان پر مقرر اوورز میں 190 رنز بناسکی۔ 

کراچی کنگز کو اننگز کے آغاز میں ہی اس وقت دھچکا لگا جب کپتان بابر اعظم صرف 13 رنز بنا کر آؤٹ ہوگئے،صاحبزادہ فرحان 21 گیندوں پر 17رنز بنا کر چلتے۔

شرجیل خان بھی  29 گیندوں پر 44 رنز بنا کر چلتے بنے جبکہ قاسم اکرم نے 26 گینوں پر 51 رنز کی اننگز کھیلی۔

عماد وسیم بھی 28 گیندوں پر 55 رنز بنا کر آؤٹ گئے جبکہ محمد نبی بھی تین گیندوں پر تین رنز بنا کر چلتے بنے۔

 اسلام آبادیونائیٹڈکی جانب سے وقاص مقصود نے 3 وکٹیں حاصل کیں، جب کہ آصف علی نے 2 ، لیام ڈاؤسن اور ذیشان ضمیر نے ایک ، ایک وکٹ حاصل کی۔