امریکا میں چھوٹا طیارہ گر کرتباہ 

غیر ملکی خبر رساں ادارے کے مطابق نجی چھوٹا طیارہ بحر اوقیانوس   کے قریب  حادثے کا شکار ہوا ، طیارے میں سوار ایک شخص کی لاش سمندر سے نکال لی گئی ، باقی 7 مسافروں کی تلاش کے لیے سرچ آپریشن جاری ہے۔

ابتدائی اطلاعات کے مطابق یہ خیال کیا جارہا ہے کہ طیارے میں سوار تمام افراد  ہلاک ہوچکے ہیں ۔   تلاش میں کوسٹ گارڈ کے تین اسٹیشنوں کی کشتیاں اور ایک ہیلی کاپٹر، مقامی فائر اینڈ شیرف کے محکمے کے اہلکار اور نیشنل پارک سروس کے بیچ عملہ شامل ہے۔ ریسکیو حکام کا کہنا ہے کہ تاحال  انہیں طیارے کا ملبہ بھی نہیں مل سکا۔