تفصیلات کے مطابق لاہور کے قذافی اسٹیڈیم میں آج کھیلے جانے والا میچ  پاکستانی وقت کے مطابق شام ساڑھے 7 بجے شروع ہوگا ۔ پشاور زلمی وہاب ریاض کی قیادت میں جبکہ کوئٹہ گلیڈی ایٹرز سرفراز احمد کی کپتانی میں میدان میں اُتریں گی ۔ 

میچ کے لیے دونوں ٹیمیں ان کھلاڑیوں پر مشتمل ہیں۔

کوئٹہ گلیڈی ایٹرز:

 سرفراز احمد (کپتان)، ول اسمیڈ، احسان علی، بین ڈکٹ، افتخار احمد، محمد نواز، سہیل تنویر، جیمز فلکنر، عاشر قریشی، محمد حسنین، نسیم شاہ

پشاور زلمی:

 شعیب ملک، وہاب ریاض (کپتان)، ٹام کوہلر کیڈمور، یاسر خان، حیدر علی، حسین طلعت، شرفین ردرفورڈ، بین کٹنگ، سہیل خان، پیٹ براؤن، ثمین گل اور عثمان قاد

پوائنٹس ٹیبل: 

پی ایس ایل 7 میں پوائنٹس ٹیبل پر ملتان سلطانز کی ٹیم 12 پوائنٹس کے ساتھ پہلے نمبر پر جبکہ لاہور قلندرز کی ٹیم 10 پوائنٹس کے ساتھ دوسرے نمبر پر ہے۔ اسلام آباد یونائیٹڈ 8 پوائنٹ کے ساتھ تیسرے نمبر پر ہے جبکہ  کوئٹہ گلیڈی ایٹرز اور پشاور زلمی کے 6، 6 پوائنٹس  ہیں ۔ کراچی کنگز کی ٹیم کسی بھی میچ میں فتح حاصل کرنے میں  کامیاب نہیں ہوئی ۔ 

خیال رہے کہ گزشتہ روز کھیلے گئے میچ میں ا سلام آباد یونائیٹڈ نے کراچی کنگز کو سنسنی خیر مقابلے کے بعد ایک رنز سے شکست دی، یہ ہار کنگز کی پی ایس ایل کے رواں سیزن میں مسلسل ساتویں شکست ہے ۔ 

واضح رہے کہ کراچی کنگز کی ٹیم رواں پی ایس ایل کے ناک آؤٹ مرحلے سے باہر ہوگئی ہے۔