کینیڈا میں احتجاجی مظاہروں کو ختم کرنے کیلئے وزیراعظم جسٹن ٹروڈو نے ایمرجنسی نافذکر دی

اوٹاوا:  کینیڈا کے وزیراعظم جسٹس ٹروڈو نے ملک میں جاری احتجاجی مظاہروں کے سلسلے کو ختم کرنے کیلئے آخری حربہ اپناتے ہوئے ’ ایمرجنسی نافذ ‘ کر دی ہے ، احتجاج کے باعث متعدد امریکی بارڈر کراسنگ کو بند کر کے رکھ دیا تھا جبکہ وفاقی دارلحکومت کے متعدد علاقے بھی معذور ہو گئے تھے ۔

تفصیلات کے مطابق ایمرجنسی ایکٹ کے مطابق حکومت کی جانب سے ایسے اقدامات متعارف  کروائے گئے ہیں جن کا مقصد مظاہرین کی فنڈنگ کو روکنا ہے اور وفاقی پولیس کے ساتھ صوبائی اور مقامی قانون نافذ کرنے والے ادارے کو پھر سے مضبوط بناناہے ۔

ٹروڈو نے نیوز کانفرنس میں بتایا کہ یہ ناکہ بندیاں ہماری معیشت کو نقصان پہنچا رہی ہیں اور شہریوں کی جانوں کو خطرے میں ڈال رہی ہیں ،ہم غیر قانونی اور خطرناک سرگرمیوں کو جاری رہنے کی اجازت نہیں دے سکتے ہیں ۔