برطانوی عدالت نےبانی متحدہ کودہشتگردی پراکسانےکےالزامات سےبری کردیا 

تفصیلات کے مطابق بانی متحدہ پردہشتگردی پراکسانےکاالزام ثابت نہیں ہوسکا،  برطانوی عدالت نےبانی متحدہ کودہشتگردی پراکسانےکےالزامات سےبری کردیا ہے۔

12رکنی جیوری نےبانی متحدہ کوالزامات سےبری کیا،  بانی متحدہ پرکارکنوں کوپاکستان میں دہشتگردی پراکسانے کےالزامات تھے۔

خیال رہے کہ  بانی ایم کیو ایم  کی  تقریر کے بعد  کارکنوں نے نجی چینلز کے  دفتر پر دھاوا بول کر توڑ پھوڑ بھی کی تھی۔ بانی متحدہ پر 22 اگست 2016 کی متنازع تقریر پر اکتوبر 2019 میں پولیس نے دہشت گردی کے جرم کا مقدمہ قائم کیا تھا۔ کراؤن پراسیکیوشن سروس نے بانی متحدہ کے خلاف ٹیرراازم ایکٹ 2006 کی سیکشن 1 (2) کے تحت مقدمہ درج کیا تھا۔ بانی متحدہ کو 11 جون 2019 کو جرائم کی حوصلہ افزائی کرنے کے شبہ میں گرفتار کیا گیا تھا۔

واضح  رہے کہ بانی متحدہ کے خلاف مقدمہ کی سماعت 31 جنوری کو کنگسٹن کراؤن کورٹ میں شروع ہوئی تھی۔