پی ایس ایل7: پشاور زلمی نے کوئٹہ گلیڈی ایٹرز کو شکست دے دی

186 رنز کے ہدف کے تعاقب میں کوئٹہ گلیڈی ایٹرز کی ٹیم مقررہ 20 اوورز میں161 رنز بناسکی، وِل اسمیڈ 99 رنز بناکر نمایاں رہے۔

لاہور کے قذافی اسٹیڈیم میں کھیلے گئے میچ میں پشاور زلمی کے کپتان وہاب ریاض نے ٹاس جیت کر پہلے بیٹنگ کا فیصلہ کیا۔

پشاورزلمی نے مقررہ 20 اوورز میں7 وکٹوں پر 185 رنز بنائے،شعیب ملک 58 رنز بناکر نمایاں رہے۔

پشاور زلمی کی جانب سے اوپنر حضرت اللہ ززئی ایک جبکہ لیام لیونگسٹن صفر پر پویلین لوٹے گئے۔

حارث 17 گیندوں پر 29 رنز بناکر آؤٹ ہوگئے جبکہ شعیب ملک نے 58 رنز کی اننگز کھیلی۔

حسین طلعت 32 گیندوں پر 51 رنز بناکر آؤٹ ہوئے جبکہ بین کٹنگ  14 گیندوں پر 36 رنز بناکر پویلین لوٹے گئے۔

کوئٹہ گلیڈی ایٹرز کی جانب سے نسیم شاہ نے 4 کھلاڑیوں کو آؤٹ کیا۔

کوئٹہ گلیڈی ایٹرز 186 رنز کے ہدف کے تعاقب میں اوپنر جیسن روئے 13 رنز بناکر آؤٹ ہوئے جبکہ جیمز وینس صفر پر پویلین لوٹے جبکہ کپتان سرفراز احمد نے 25 رنز کی اننگز کھیلی۔

تاہم دوسری جانب سے اوپنر وِل اسمیڈ نے شاندار بیٹنگ کی لیکن وہ بھی اپنی ٹیم کو میچ نہ جتواسکے۔ انہوں نے 60 گیندوں پر 99 رنز کی اننگز کھیلی۔

اس کے علاوہ افتخار احمد نے 10 رنز بنائے ، یوں کوئٹہ گلیڈی ایٹرز نے مقررہ 20 اوورز میں 161 رنز بنائے اورر زلمی کو 24 رنز سے کامیابی ملی۔

پشاور زلمی کی جانب سے عثمان قادر نے 3 جبکہ سلمان ارشاد نے 2 وکٹیں حاصل کیں۔