اوور سیز پاکستانیوں کیلئے الگ عدالتیں بنانے کا فیصلہ

اسلام آباد :  وفاقی کابینہ نے اوور سیز پاکستانیوں کیلئے الگ عدالتی نظام تشکیل دینے کی منظوری دے دی، اس نظام کے تحت مقدمات کے تیز رفتار فیصلے کیے جائیں گے۔

وفاقی وزیر اطلاعات فواد چوہدری کے مطابق  وفاقی کابینہ نے اوور سیز پاکستانیوں کیلئے اسلام آباد میں عدالتوں کے قیام کے حوالے سے ایکٹ بنا کر مشترکہ مفادات کونسل کو بھجوا دیا ہے، پنجاب اور خیبر پختونخوا بھی ایسے قانون بنا کر لائیں گے۔

فواد چوہدری کا کہنا تھا کہ ہر شہری کا حق ہے کہ مقدمات کے فیصلے جلدی ہوں  لیکن سمندر پار پاکستانی زیادہ عرصہ یہاں رہ نہیں سکتے، ان کی مجبوریاں زیادہ ہیں اس لیے یہ فیصلہ کیا گیا ہے۔