پی ایس ایل 7: اسلام آباد یونائیٹڈ کو بڑا دھچکا

اسلام آباد یونائیٹڈ کے ترجمان کے مطابق ٹیم کے کپتان شاداب خان اور ذیشان ضمیر کراچی کنگز کے خلاف میچ کے دوران انجری کا شکار ہوئے تھے۔

ترجمان نے کہا کہ شاداب خان گروئن انجری اور ذیشان ضمیر سائیڈ اسٹرین کا شکار ہوگئے ہیں، اس لیے یہ دونوں کھلاڑی کل کے میچ کے لیے ٹیم کو دستیاب نہیں ہوں گے۔

اسلام آباد یونائیٹڈ کے ترجمان نے مزید کہا کہ دونوں کرکٹرز کی میڈیکل رپورٹس موصول ہوچکی ہیں، میڈیکل پینل جلد مزید تفصیل سے ٹیم انتظامیہ کو آگاہ کرے گا۔