حجاب پہننے پر پابندی ، کرناٹک میں خاتون لیکچرار نےاستعفی دیدیا

بھارتی میڈیا رپورٹس کے مطابق کرناٹک کے کالج میں انگلش ڈپارٹمنٹ کی ایک  لیکچرار نے حجاب اتارنے کا حکم ماننے سے انکارکرتے ہوئے  ملازمت سے استعفی دے دیا ۔  

لیکچرار چاندنی نےکالج پرنسپل کوبھیجے گئے استعفے میں لکھا کہ حجاب اتارنے کے حکم سے میری عزت نفس مجروح ہوئی،   پچھلے 3 سال سے حجاب کرکے کالج آرہی ہوں ،  مذہبی آزادی کا حق آئین دیتا ہے جسے کوئی نہیں چھین سکتا، حجاب پرپابندی کے غیرجمہوری اقدام کی مذمت کرتی ہوں۔

خیال رہے کہ کرناٹک کے تعلیمی اداروں میں حجاب کرنے پرپابندی عائد ہے جس کے خلاف مقدمہ کرناٹک ہائیکورٹ میں زیرسماعت ہے۔

یاد رہے کہ اترپردیش کے شہر علی گڑھ کے دھرم سماج ڈگری کالج میں بھی حجاب پر پابندی عائد کردی گئی ہے۔ کالج انتظامیہ نےڈریس کوڈنافذ کرتے ہوئےحجاب پر پابندی کا نوٹس چسپاں کردیا ہے۔