ہاتھی کے بچے کی پرندوں سے مستیاں، ویڈیو وائرل

ہاتھی کے بچے کی پرندوں سے کھیلنے اور مستیوں کی ویڈیو سوشل میڈیا پر وائرل ہو گئی۔

سماجی رابطے کی ویب سائٹ ٹوئٹر پر ایک ویڈیو شیئر کی گئی جس میں دیکھا جا سکتا ہے کہ ہاتھی کا چھوٹا سا بچہ پرندوں کے ساتھ کھیلنے کی کوشش کر رہا ہے اور کبھی گرتا ہے تو کبھی دوڑ کر پرندوں کی طرف جاتا ہے۔

اس خوبصورت اور دلکش نظارے کو قریب موجود ایک کیمرہ مین نے اپنے کیمرے میں محفوظ کر لیا۔ جس میں دیکھا جا سکتا ہے کہ احساس اور جذبات صرف انسانوں تک ہی محدود نہیں بلکہ اسے ہر جاندار محسوس اور انجوائے کرتا ہے۔

اس ویڈیو میں دیکھا جاسکتا ہے کہ ہاتھی کا بچہ ایک بڑی ہتھنی کے ساتھ موجود ہے جہاں کچھ بطخیں اور دیگر پرندے اور جانور بھی موجود ہیں جب کے ساتھ وہ کھیلنے میں مصروف ہے۔

آخر میں ہاتھی کا بچہ اپنی ماں کے پاس چلا جاتا ہے اور تمام پرندے منتشر ہوجاتے ہیں۔

Baby elephant chasing birds..

Watch until they end.. ? pic.twitter.com/hCZib2lVDr

— Amazing Nature (@AmazingNature00) February 16, 2022