صارفین کیلئے بری خبر ، بجلی کی قیمت میں بڑے اضافے کا امکان 

ذرائع کےمطابق سینٹرل پاور پرچیزنگ ایجنسی نے بجلی کی قیمت  میں اضافے کی درخواست نیپرا کو  بھیج دی ہے ۔ نیشنل  الیکٹرک پاور ریگولیٹری اتھارٹی (نیپرا)  کو سی پی پی اے کی جانب سے دی گئی درخواست میں بجلی فی  یونٹ 6 روپے 10 پیسے مہنگی کرنے کی درخواست کی گئی ہے۔

نیپرا  کاکہنا ہےکہ درخواست جنوری کی فیول پرائس ایڈجسٹمنٹ کی مد میں کی گئی ہے   جس پر سی پی پی اے 28 فروری کو  سماعت ہوگی ۔  سی پی پی اے جنوری میں ہائیڈل سے 5.83 فیصد کوئلے سے 33.15 فیصد بجلی پیدا کی گئی، ڈیزل سے 6.73 فیصد فرنس آئل سے 14.07 فیصد ،مقامی گیس سے 14.37 فیصد اور ایل این جی سے 7.12 فیصد بجلی پیدا کی گئی ۔

درخواست میں کہا گیا ہے کہ جوہری ایندھن سے 14.37 فیصد بجلی پیدا کی گئی، ہوا سے 2.22 فیصد اور بگاس سے 1.22فیصد بجلی پیدا کی گئی۔ 

سینٹرل  پاور  پرچیزنگ ایجنسی کی درخواست کےالیکٹرک کےسوا تمام بجلی کی تقسیم کار کمپنیوں کے لیے ہے۔

واضح رہےکہ حال ہی میں پیٹرول کی قیمت 12 روپے 3 پیسے فی لیٹر اضافہ کیا گیا ہے جس کے بعد پیٹرول کی نئی قیمت 159 روپے 86 پیسے فی لیٹر ہوگئی ہے جب کہ ڈیزل کی قیمت 9 روپے 53 پیسے فی لیٹر اضافے کے بعد 154 روپے 15 پیسے فی لیٹر تک جاپہنچی ہے۔