پی ایس ایل: فخر زمان ایک سیزن میں 500 رنز کا سنگ میل عبور کرنے والے تیسرے بیٹر بن گئے

تفصیلات کے مطابق لاہور قلندرز کے فخر زمان کسی ایک پی ایس ایل ایونٹ میں 500 کا سنگ میل عبور کرنے والے تیسرے بیٹر بن گئے ہیں ۔

لاہور قلندرز کے اوپنر نے یہ کارنامہ گذشتہ روز اسلام آباد یونائیٹڈ کے خلاف 51رنز کی اننگز کے دوران سر انجام دیا۔

 اس سے قبل گزشتہ سیزن میں بابر اعظم اور محمد رضوان نے 500 سے زائد رنز بنائے تھے، جاری ایونٹ میں مسلسل عمدہ کارکردگی کا مظاہرہ کرنے والے فخر زمان نے اب تک 9 اننگز میں 521رنز بنائے ہیں۔