تحریک عدم اعتماد: مشاورت کے لیےمولانا فضل الرحمان اورآصف زرداری کی ملاقات طے

ذرائع کا کہنا ہے کہ سابق صدر آصف زرداری کل مولانا فضل الرحمان سے ان کی رہائش گاہ پر ملاقات کریں گے۔

ذرائع کے مطابق دونوں سیاسی شخصیات کی ملاقات میں حکومت کے خلاف تحریک عدم اعتماد سے متعلق مشاورت اور حکومتی اتحادیوں سے رابطوں پر تبادلہ خیال ہو گا۔

ذرائع کا کہنا ہے کہ ملاقات میں ملکی سیاسی صورتحال پر بھی گفتگو ہو گی اور مولانا فضل الرحمان سابق صدر آصف زرداری کے اعزاز  میں عشائیہ بھی دیں گے۔