پی ایس ایل 7: کوئٹہ گلیڈی ایٹرزکا کراچی کنگز کو جیت کیلئے 167 رنز کا ہدف

تفصیلات کے مطابق کراچی کنگز آج اپنا آخری لیگ میچ کوئٹہ گلیڈی ایٹرز کے خلاف لاہور کے قذافی اسٹیڈیم میں کھیل رہا ہے، جہاں کوئٹہ کے کپتان سرفراز احمد نے ٹاس جیت کر پہلے بیٹنگ کا فیصلہ کیا ہے۔

 کوئٹہ گلیڈی ایٹرز نے پہلے بیٹنگ کرتے ہوئے مقرررہ 20 اوورز میں 4 وکٹوں کے نقصان پر 166 رنز بنائے۔

اوپنر بلے باز جیسن رائے کے بلے نے ایک بار پھر رنز اگُلے، انہوں نے 82 رنز کی دلکش اننگز کھیلی، ان کی اننگز میں 11 چوکے شامل تھے، جیمس وینس نے 29 جبکہ افتخار احمد نے 21 رنز کی اننگز کھیلی۔

کوئٹہ کے اہم کھلاڑی عمر اکمل ایک بار پھر لمبی اننگز کھیلنے میں ناکام رہے اور محض 2 رنز بناکر پویلین لوٹ گئے۔

کراچی کنگز کی جانب سے عماد وسیم، میر حمزہ، عثمان خان شنواری اور لیوس نے ایک ایک وکٹ حاصل کی۔