سارے منی لانڈرر اتحاد بنا رہے ہیں: فوادچوہدری 

تفصیلات کے مطابق سماجی رابطے کی سائٹ ٹوئٹر پر جاری بیان میں وفاقی وزیر اطلاعات و نشریات فواد چوہدری نے کہا کہ  پاناما، پنڈ ورا پیپرز کے بعد اب سوئس بینک  کی کہانی سامنے آئی ہے۔

انہوں  نے کہا کہ پہلے پیسے چوری کرو پھر ملک سے باہر بھیج دو، کرپشن اور منی لانڈرنگ پاکستان جیسے ملکوں کا اہم ترین مسئلہ ہے۔ حکومت تسلسل سے یہ آواز اٹھا رہی ہے کہ امیر ملک غریب ملکوں کا استحصال بند کریں۔

پانامہ،پنڈورا اوراب سوئس اکاؤنٹس کی کہانی۔۔پہلے پیسے چوری کرو پھر ملک سے باہر بھیج دو ،کرپشن اور منی لانڈرنگ پاکستان جیسے ملکوں کااہم ترین مسئلہ ہے، @ImranKhanPTI اس مسئلہ پرمسلسل آواز اٹھا رہے ہیں کہ امیر ملک غریب ملکوں کے اس استحصال کو روکیں،اب سارےMoney Laundererاتحادبنارہےہیں

— Ch Fawad Hussain (@fawadchaudhry) February 21, 2022

خیال رہے کہ سوئٹزرلینڈ کے ایک بینک سے لیک ہونے والی معلومات میں 128ممالک سے تعلق رکھنے والے بینک کے مالدار کھاتہ داروں (کلائنٹس) کی تفصیلات سامنے آئی ہیں،  کاروباری شخصیات ،  سیاسی وابستگیاں رکھنے والے افراد بھی اس میں شامل ہیں ۔  لیک ہونے والی تفصیلات میں 18 ہزار بینک اکائونٹس اور 30 ہزار کھاتہ داروں کی تفصیلات شامل ہیں جن کے دنیا کے سب سے بڑے نجی بینک ’کریڈٹ سوئیز‘ میں 100ارب ڈالرز (17؍ کھرب 535؍ ارب پاکستانی روپے) تک کے اثاثے موجود ہیں۔