کپڑے کیوں خراب سیئے، درزی کو  ہزاروں روپے جرمانہ

کپڑے کیوں خراب سیئے،درزی کو لینے کے دینے پڑ گئے، چند سو  کی سلائی  پر ہزاروں کا جرمانہ ہوگیا۔لاہور کے ایک   شہری نے سوٹ خراب سینے اور تاخیر پر ملنے  کے بعد درزی کے خلاف  صارف عدالت سے رجوع  کرلیا۔صارف کی درخواست  پر عدالت نے  درزی کو 51 ہزار پانچ سو جرمانہ ادا کرنے کا حکم  دے دیا۔

درخواست گزار شہباز احمد کا کہنا تھا کہ   دوست کی شادی پر پہننے کے لیے دو  سوٹ سلوائے تھے ،  درزی نے کئی دن تاخیر سے سوٹ دئیے اور ٹھیک سلائی  بھی نہیں کی ، درزی کے وجہ سے قریبی دوست کی شادی میں شرکت نہ کر سکا ۔

 درخواست گزار نے عدالت سے استدعا کی کہ  عدالت درزی کو 20 لاکھ جرمانہ ادا کرنے کا حکم دے۔