27فروری کوپاکستان تاریخ کاسب سے بڑامارچ ہوگا، بلاول بھٹو

چیئرمین پیپلزپارٹی بلاول بھٹو نے کہا کہ  پیپلزپارٹی نے حکومت کیخلاف اعلان جنگ کیا ہے ،حکومت نے تبدیلی کاوعدہ کیا تھا،3سال میں تباہی کےسوا کچھ نہیں کیا،تجاوزات کے نام پر لوگوں کے گھرگرادیئےگئے،یہ مہم نالائق اور نااہل  حکومت کیخلاف ہے۔عمران خان نے نوجوانوں کو نئےپاکستان کاخواب دکھایاتھا، حکومت نے مظلوموں اور  نوجوانوں  کے ساتھ وعدہ کیا تھا، حکومت کا ہروعدہ جھوٹانکلا۔

بلاول بھٹو نے کہا کہ   اب ہم نے فیصلہ کیا ہے کہ لانگ مارچ ہوگا، تاریخی سطح پر مہنگائی اور بیروزگاری پہنچ  چکی ہے، یوٹرن پر یوٹرن لیا گیا، دنیا بھر میں وزیر اعظم سلیکٹڈکے نام سے مشہور ہے،پاکستان پیپلزپارٹی جمہوری جماعت ہے،    پیپلز پارٹی 27 فروری سے کراچی سے عوامی مارچ شروع کرے گی ،حکومت نے تبدیلی کا نعرہ لگا یا لیکن ملک کو تباہ کر دیا ،نااہل حکومت کے خاتمے کے لئے مہم چلائیں گے ۔

چیئرمین پی پی نے کہا کہ  پارٹی کارکن ہمارا حوصلہ اور طاقت ہیں ،  حکومت نے عوام سے جھوٹے وعدے کیے  ،  50 لاکھ گھر دینے والوں کو بے گھر کر دیا ہے ،   ملک کو تاریخی معاشی بحران کا سامنا کیا ، ایسے حالات ملک کی تاریخ میں  پہلےنہیں دیکھے ، نوکریاں دینے کی بجائے عوام کو بے روز گار کیا گیا ۔ ملک بھر میں کرپشن عروج پر ہے ، ٹرانسپریسی انٹرنیشنل کی رپورٹ ہے کہ عمران خان کرپٹ ترین آدمی ہے ، ضمنی انتخابات میں جیت ہماری ہوئی ۔

چیئر مین پیپلزپارٹی  بلاول بھٹو کا مزید کہنا تھا کہ  وزیراعظم عمران خان کوہم سلیکٹڈکہااور اس نے ثابت کردیا، میں نے اپنی پہلی تقریرمیں جب سلیکٹڈکالفظ استعمال کیا تھا، اس کے بعد عمران خان کے اوسان خطا ہوگئے۔انہوں نے کہا کہ ہمیں کہاگیا کہ ایوان سے مستعفی ہو،سینیٹ میں حصہ نہ  لیں لیکن ہم نے حصہ لیا، ہم نے عمران خان  کیلئے  میدان خالی نہیں چھوڑا،ڈٹ کرمقابلہ کیا، ہم وہ لوگ نہیں جو سپریم کورٹ یاپی ٹی وی پرحملہ کریں ، ہمارامارچ حکومت وقت کےخلاف اورعدم اعتماد کے حق میں ہے، 27فروری کوپاکستان تاریخ کاسب سے بڑامارچ ہوگا۔