محسن بیگ کے گھر چھاپے اور تشدد کا معاملہ، آئی جی اسلام آباد کی انکوائری رپورٹ سامنے آگئی

تفصیلات کے مطابق  محسن بیگ کے گھر پر چھاپے اور تشدد کا معاملہ،  آئی جی اسلام آباد کی انکوائری رپورٹ سامنے آگئی ہے۔

رپورٹ میں کہا گیا ہے کہ  16 فروری کو ساڑھے نو بجے ایف آئی اے افسر مارگلہ تھانے آئے،  ایف آئی اے کے وسیم سکندر نے محسن بیگ کے گھر روانگی سے آگاہ کیا ،  ساڑھے دس بجے 15سے اطلاع ملی ملزمان نے چھاپہ مار ٹیم پر حملہ کر دیا،  پولیس موقع پر پہنچی تو دیکھا محسن بیگ بیٹےکے ہمراہ ایف آئی اے اہلکاروں پر حملہ آور ہیں۔

 رپورٹ کے مطابق  پولیس ایف آئی اے اہلکاروں اور ملزم کو تھانے لے آئی،  تھانے میں دوبارہ جھگڑے پر محسن بیک کو لاک اپ میں بند کر دیاگیا ، محسن بیگ کے وکیل تک رسائی نہ دینے کے الزامات بھی بے بنیاد ہیں، آفیشل گاڑیوں میں جانے والے اہلکاروں کو ڈکیت کیسے سمجھا جا سکتا ہے؟  محسن بیگ اور ملازمین کو اچھے سے پتہ تھا آنے والے ایف آئی اے آفیشلز ہیں۔

انکوائری رپورٹ میں کہا گیا ہے کہ  محسن بیگ جواب نہیں دے پائے کہ ڈکیتی کا شبہ تھا تو 15اطلاع کیوں نہ دی؟،  

محسن بیگ کے گھر میں زبردستی گھسنے کے آ شواہد نہیں ملے، ایف آئی اے آفیشلز کےمطابق محسن بیگ نے ناشتے کے بعد ملاقات کا کہا، گلی میں آکر پر محسن بیگ پر مکمل واضح ہو چکا تھا یہ آفیشلز ہیں پھر فائر کیوں کئے؟۔