کم ترین کیٹیگری میں لیا جاتا تو بھی لاہور قلندرز کیساتھ کھیلتا:راشد خان

راشد خان نے کہا کہ مجھے بے صبری سے انتظار ہے کہ ہمارا نیا کپتان شاہین شاہ آفریدی پی ایس ایل کی ٹرافی اٹھائے، میں آپ سب کو بنگلادیش سے ضرور دیکھوں گا۔

اس موقع پر پلاٹینم کیٹیگری میں منتخب ہونے والے افغان اسپنر نے کہا کہ میرے لیے ڈرافٹ میں کیٹیگری اہمیت نہیں رکھتی، اگر مجھے کم ترین کیٹیگری میں بھی منتخب کیا جاتا تب بھی میں لاہور قلندرز کے ساتھ کھیلتا۔

اس کے علاوہ راشد خان نے ٹوئٹر پر رواں سیزن کی کچھ جھلکیاں شیئر کیں اور کہا کہ مجھے درست الفاظ تو سمجھ نہیں آرہے لیکن میں لاہور قلندرز کی ٹیم، مینجمنٹ، پی ایس ایل اور شاہین شاہ آفریدی کا شکریہ ادا کرنا چاہوں گا۔

انہوں نے مزید لکھا کہ میرے لیے یہ بہترین تجربہ ثابت ہوا، یہاں کا ماحول بہت اچھا تھا،  پی ایس ایل ادھورا چھوڑ کر جانا اچھا نہیں لگ رہا لیکن قومی فریضے کے باعث مجھے جانا پڑے گا۔

I don’t know the right words to say but all I can is to simply say THANK YOU! @lahoreqalandars @iShaheenAfridi @sameenrana @thePSLt20 it was such a great experience.Honestly it’s hard to leave such a lovely environment I would’ve loved to play remaining games but National duty ?? pic.twitter.com/cIRiGByzE8

— Rashid Khan (@rashidkhan_19) February 20, 2022